“Унаа” мамлекеттик ишканасынын жетекчиси кызматына Марат Пирназаров дайындалды. Тиешелүү буйрукка өкмөт башчы Мухаммедкалый Абылгазиев кол койду.
Белгилей кетсек, Марат Пирназаров Финансы рыногун жөнгө салуу жана көзөмөлдөө мамлекеттик кызматынын төрага орун басары болуп беш жарым жыл иштеген. 2017-жылдын ноябрь айында ошол учурдагы премьер-министр Сапар Исаковдун буйругу менен кызматтан алынган.
Эске сала кетсек, мурдагы директор Алымжан Козубаев Коопсуздук кеңешинин чечиминен соң кызматтан алынган.
Булак: NazarNews.kg
