Билим берүү кызматкерлеринин эмгек акысын эсептөөнү автоматташтырууга өткөрүү үчүн райондук жана шаардык билим берүү мекемелеринин бухгалтерия кызматкерлери окуудан өтүп жатат. Бул тууралуу Билим жана илим министрлиги билдирди.
Министрликтин билдирүүсүнө ылайык, бухгалтердик эсепти так жүргүзүүгө жана негизсиз маяна алып жүргөндөрдү ачыкка чыгарууга жол ачат. Башкача айтканда, мугалим мындан ары эмгегине жараша маяна алат.
Жаңы система — эмгек акыны кол менен эсептөөнү токтотуп, финансылык тартипти бузуу көрүнүшүн азайтат.
Булак: NazarNews.kg
