Москванын четинде төрт өспүрүм 14 жаштагы кызды зордукташып, эми алар кылмышы үчүн сот алдында жооп берет. Бул тууралуу РИА Новости жазып чыкты.
Маалыматта 16, 17, 18 жаштагы өспүрүмдөр 14 жаштагы кызды Москванын Сергиев Посад шаарында 2019-жылдын 1-январында зордукташкандыгы айтылган. Кылмыш болгон учурда өспүрүмдөр мас абалында болушкандыгы такталды. Батирде болгон бардык окуяларды өспүрүмдөр видеого тартып алышканы менен кылмыштарын моюнуна алышкан эмес. Бирок укук коргоо органдары алардын кылмышын тастыктай турган далилдерди табышкан.
Эми аларды 15 жылдан 20 жылга чейинки эркинен ажыратуу каралууда.
Булак: NazarNews.kg
