Авто унаа уурдап жүрүшкөн кылмыштуу топ колго түшүрүлдү. Бул тууралуу Ош ОИИБдин басма сөз кызматы NazarNews маалымат агенттигине билдирди.
Маалыматка караганда, 2020-жылдын 18-январь күнү Араван районунун Тоо-Моюн айыл аймагынын Авиз айылынын тургуну А.А (аял киши) уйунун короосунда токтоп турган Хундай-Портер үлгүсүндөгү мамлекеттик белгиси 0 2411 AD болгон автоунаасын белгисиз атуулдар уурдашып, окуя болгон жерден изин жашырып кетишкен.
Бул факты боюнча тергөө тапшырмасынын негизинде Араван РИИБнин кызматкерлери тарабынан жүргүзүлгөн ыкчам иликтөө иштеринин натыйжасында, 2020-жылдын 22-январь күнү шектүү катарында мурда соттолгон Кара-Суу районунун 26 жаштагы жашоочусу К уулу С жана Ноокат районунун 20 жаштагы тургуну Б уулу М кармалышкан.
Тергөө тапшырмасы боюнча Араван РИИБдин криминалдык милиция кызматынын (КМК) кызматкерлери жана Төө-Моюн Айылдык милиция бөлүмчөсүнүн (АМБдин) кызматкерлери менен биргеликте Жалал-Абад облусунун аймагында 3 күндүк жүргүзгөн ыкчам иликтөө иш чараларынын негизинде, Жалал-Абад облусунун Сузак районунун Сузак айылынын Дом-Ата айылынын тургуну 1965-жылы туулган У. Анын короосунан мамлекеттик номуру О 2411 АD болгон көк түстөгү “Хундай-Портер” унаасы далил буюм катары алынган.
Бул топ кылмыштуу шериктери менен Ош, Жалал-Абад облустарынын аймактарында башка кылмыш кылгандыгы боюнча да ыкчам маалыматтар болгондуктан башка кылмыштарын жана кылмыштуу шериктерин аныктоо боюнча тийиштүү иш чаралар жүргүзүлүүдө.
Булак: NazarNews.kg
