Стол жайнаган түрдүү өзбек татымдары – мунун баары орусиялык белгилүү балбан Хабиб Нурмагомедов үчүн жайылган дасторкон. Анын учурда Ташкентте жүргөнү айтылууда.
Социалдык түйүндө пайда болгон бул видеодо, баш аягы 12 тамактын түрү жазылган тамак-аштын тизмесин спортчуга, Өзбекстандагы Аралаш мушташ ассоциациясынын башчысы Отабек Умаров тааныштырып жатканын көрүүгө болот.
Айтмакчы, Умаров президенттин кичүү кызы Шахноза Мирзиёеванын жолдошу, президенттин күйөө баласы. Ошондой эле, ал аталган ассоциацияны жетектөө менен бирге президенттин коопсуздук кызматынын жетекчисинин биринчи орун басары жана Триатлон федерациясынын президенти.
Булак: NazarNews.kg
