Москванын аквапаркында тогуз жашар бала суу куюлуучу түтүккө кирип кеткен. Бактыга жараша баланы чыгарышкан. Бул тууралуу орусиялык маалымат булактары жазып чыкты.
Маалыматка ылайык, окуя 22-январь күнү кечинде болгон. Апасы менен аквапаркта эс алып жүргөн 9 жашар баланы толкун алып кетип, сүү куюлуучу түтүккө тирелип калган.
Баланы түтүктөн чыгарышкан. Анын денеси тытылып, бала катуу коркуп калган. Учурда баланын өмүрүнө эч коркунуч жок.
Ошондой эле, аквапарктын инструктор-куткаруучусу жардамга келген эмес. Себеби ал ошол убакта уктап жаткан.
Булак: NazarNews.kg
