Аба ырайынын катаал шартына байланыштуу Нур-Султандагы бардык аба каттамдары белгисиз убакытка жылдырылды.
Нур-Султан эл аралык аэропортунун маалымат катчысы Жеңис Ахметжановдун айтымында, 27-январь күнү эртең менен шамалдын ылдамдыгы секундасына 24 метрге жеткен.
Мындан тышкары дүйшөмбүдө калаа мектептеринде жана коллеждерде окуу убактылуу токтотулду.
27-январда өлкөнүн башка бир катар райондорунда да аба ырайынын катаал шартына байланыштуу эскертүү берилди. Синоптиктер катуу бороон болорун божомолдошууда.
Буга байланыштуу Казакстандын тогуз облусунда ондогон жолдор жабылды.
