Террорчулукка шектелип эл аралык издөөдө жүргөн жаран Кыргызстандан кармалды. Бул тууралуу УКМКнын маалымат кызматынан билдиришти.
Маалыматка караганда, “Сириядагы эл аралык террордук уюмдарга катыштыгы бар деп изделип жаткан Борбор Азия өлкөлөрүнүн биринин жараны, Бишкек шаарынан кармалды.
39 жаштагы кармалган жаран, сотко чейинки өндүрүштүк материалдын алкагында УКМКнын тергөө абагына киргизилди. Маалымат кызматы учурда ыкчам-тергөө иш-чаралары жүрүп жаткандыгын кабарлады,”-деп айтылат маалыматта.
Булак: NazarNews.kg
