Футзал боюнча Кыргызстандын кыздар курама командасы 26-январда CAFA — 2020 эл аралык турнирде Тажикистандын курама командасын үчүнчү турда жеңип чыкты. Бул тууралуу КРдин кыздар футболунун ассоцияциясы билдирди.
Ырысбек кызы Кенжебүбү 3-минутада жана Айтурган Аскарова 32-минутада гол киргизип, натыйжада 2:0 менен Кыргызстан курама командасы жеңишке жетти.
Турнир Душанбе шаарында өтүп жатат. Биринчи турда Кыргызстан Афганистанды 3:0 эсеп менен жеңип, экинчиде Өзбекстанга 4:7 эсеп менен жеңилип калган. Кийинки 28-январда боло турган оюнда биздин курама командабыз Түркмөнстан менен беттешке чыгат.
Булак: NazarNews.kg
