Борбор калаада грэпплингдин UWW (Бириккен күрөш дүйнөсү — ред.) версиясы боюнча Кыргызстандын чемпионаты өтөт. Бул тууралуу КРнын спорт федерациясынан билдиришти.
Маалыматка таянсак, мелдеш 8-9-февраль күндөрү Арча-Бешиктеги «Газпром» ден соолукту чыңдоо комплексинде болот.
Турнир эркектер жана кыздар арасында төмөнкү жаш курактар менен чектелет:
Окуучулар — 14-15 жаш;
Кадеттер — 16-17 жаш;
Жаштар — 18-19 жаш;
Чоңдор — 20-35 жаш;
Чеберлер — 35 жаштан жогору.
Буга кошумча, Кыргызстандын биринчилигинде мыкты жыйынтык көрсөткөндөр Филиппиндеги Азия чемпионатына жана Сербиядагы дүйнө биринчилигине катыша алат.
Булак:NazarNews.kg
