Журналистке кол салгандар карактоону максат кылышканын айтышты. Бирок анын ноутбук, акчаларына тийишкен эмес
Кылмыш жана кырсык

“Фактчек” интернет сайтынын редактору  Болот Темировду сабагандар өз күнөөлөрүн мойнуна алышты. Бул тууралуу милиция кызматынан билдиришти.

Маалыматка караганда Темировдун каракталган телефону кылмышка шектүүлөрдөн табылган эмес.

Кылмышка шектүүлөр журналистти тоноо максаты менен кол салышкандыктарын айтып беришти.

 

Белгилей кетсек, кол салгандар Болот Темировдун уюлдук телефону каршылык көрсөткөн учурда түшүп калганда, алып коюшкан. Журналисттин колунда уюлдук телефондон сырткары ноутбугу да бар болгон, бирок ноутбукту жана анын чөнтөгүндөгү акчасын алышкан эмес.

Болот  Темиров өзү кармалгандар менен жолугуша элек. Анын айтымында сүрөттөргө карап алар кол салгандыгын так айта албайт. Дене түзүлүшү боюнча алардын экөөсү орто бойлуу болгон.

Эскерте кетсек, буга чейин журналистке кол салгандыкта айыпталып төрт киши кармалып, убактылуу кармоочу жайга жеткирилген.

Булак:NazarNews.kg


Поделитесь с друзьями