Жалал-Абад шаарынын мэри мамлекетке сиңирген өзгөчө эмгеги үчүн "Ардак Грамота" менен сыйланды
Коом  |   |  4908

Жалал-Абад шаарынын мэри Салайдин Авазов мамлекетке сиңирген өзгөчө эмгеги үчүн Кыргыз Республикасынын Өкмөтүнүн Ардак Грамотасы менен сыйланды. Бул тууралуу шаар мериясынан маалымдашты.

Кыргыз Республикасынын Өкмөтүнүн Жалал-Абад областындагы ыйгарым укуктуу өкүлчүлүгүндөгү жыл жыйынтыгын караган коллегия жыйынында ага катышкан КРнын вице-премьер-министри Жеңиш Разаков Жалал-Абад областындагы ишин мыкты билген шаардык жана областтыкбийлик органдарынын жетекчилерине, ар кайсы мекеме-ишканалардын кызматкерлеринеӨкмөттүн Ардак Грамотасын, Алкыш баракчаларын жана акчалай сыйлыктарды тапшырды. Анын ичинде Жалал-Абад шаарынын мэри Салайдин Авазов шаардын өнүгүшүнө сиңирген эмгеги үчүн Ардак Грамотага ээ болду.

Эскерте кетсек, Жалал-Абад шаарында акыркы эки жыл аралыгында инфраструктуралык жактан ири өзгөрүүлөр болуп, жергиликтүү бюджеттин эсебинен курулуш иштеринин көлөмү мурдагы жылдарга караганда 4-5 эсеге арткан. 

Майрамбек Каримов, "NazarNews.kg"

 

Поделитесь с друзьями