ВИДЕО-Жоголгон кичинекей кыздардын апалары табылды
Кылмыш жана кырсык  |   |  1453

Жоголгон кичинекей кыздардын апалары табылды. Бул тууралуу Кайгуул милициясы NazarNews агенттигине кабарлады . 

Маалыматка караганда окуя бүгүн, 15-февралында  болжол менен саат 12:30 болгон. Анда Бишкек шаардык ИИББнын “102” кызматы  аркылуу  Гоголя жана Правда  көчөлөрүнүн кесилишинде жайгашкан “Дордой –Плаза”  соода  борборунун ичинде кичинекей кыздар  апасын издеп жатат деген маалымат  келип түшкөн. Айтылган дарекке ошол замат Бишкек шаары боюнча Милициянын кайгуул кызматынын кызматкерлери барып, маалыматты тактап,  2017-жылы туулган М.Х жана 2016-жылы туулган  Т.Х. аттуу  кичиней кыздар апаларын издеп жүргөндүгү аныкталган.

Милициянын кызматкерлеринин ыкчам издөө иш аракеттеринин натыйжасында эки саат убакыттын ичинде, кыздардын  1993-жылы туулган А.Б жана 1992-жылы туулган М.Г аттуу апалары табылып, кичинекей кыздары  өткөрүлүп берилген.

Өз кезегинде жаш кыздардын  апалары кыздарынын  табылганына сүйүнүп, Бишкек шаары боюнча Милициянын кайгуул кызматынын кызматкерлерине  ыраазычылыктарын билдирип, иштерине ийгилик каалашты.

Булак: NazarNews.kg

 

 

 

Поделитесь с друзьями