ВИДЕО - Премьер кайсыл базарлар боюнча талаптарды катуу койду?
Коом  |   |  1411

Премьер-министр Мухаммедкалый Абылгазиев район борборлорунун инфраструктуралык абалын жакшыртууну тапшырды. Ал Чүй облусунун Москва районундагы Ак Суу калаасын мисал катары келтирип, шаарчанын борбордук бөлүгүндө орун алган базардын жагдайын кескин сынга алды. Анын айтымында, базарда ирээтсиз унаалардын тыгыны пайда болуп, санитардык нормалар сакталбай, тургундар үчүн кыйла ыңгайсыздыктарды жаратат.

“Акимчилик менен базардын айырмасы жок. Ирээтсиз унаанын агымы, асфальтка ун, күрүч сыяктуу азыктарды жүктөп келип сатышууда. Мунун бардыгын ирээтке келтирүү керек. Соодагерлердин өздөрүнүн нерви чыдабай жатат. Жакшынакай жер бөлүнүп, базарды көчүрүш керек. Бул Ысык-Ата, Сокулукка дагы тиешелүү”, - дейт өкмөт башчы Мухаммедкалый Абылгазиев.

Булак: NazarNews.kg

 

Поделитесь с друзьями