ВИДЕО – Өлүп жок болгон делген жаныбар камерага түшүп калды
Илим | 

Эми окумуштуулар жаныбардын бул түрү кайра ачылды деп жатышат.

Окумуштуулар Вьетнамдын жунглисинен кичинекей ача туяктуу жаныбар – оленекту табышты. 30 жылдан бери бул жаныбарды биротоло жок болгон эсептеп келишкен.

Вьетнамдык биологдор жергиликтүү тургундардан алар оленекторду бир нече жерден көргөнү тууралуу маалымат алышкан. Окумуштуулар өлкөнүн түштүгүндөгү токойлорго ондогон фотокапкан коюшуп, жыйынтыгында оленектор тартылган эки миңдей сүрөт алышкан.

Оленектор түркүмүндөгү Tragulus versicolor — дүйнөдөгү эң кичинекей ача туяктуу жаныбар. Бир гана Вьетнамды байырлайт. Бул жаныбарды биринчи жолу 1910-жылы жазып чыгышкан. Аңчылыктын айынан алардын саны кыскаргандан кыскарып отуруп, 1990-жылы окумуштуулар оленекторду өлүп жок болду деп чыгышкан.

Булак: NazarNews.kg

Поделитесь с друзьями