ВИДЕО – Бир УАЗга 34 бөбөктү “пресстеген” көрүнүш. Мактанычпы же көйгөйбү?
Коом

Бул видео кече 13-январда, Фейсбуктагы “💓Сүйүктүүлөрүм💓💏” аттуу тайпага чыгыптыр. Аны көргөн адам сүйүнөөрүн же ыйлаарын билбейт. Себеби ал, “Ушундай автобусуңар барбы😃😃😃”, - деген текст менен коштолуп берилген. 

Автор бул видеону жарыялардын алдында кичинекей бөбөктөрдү бир кичинекей унаага батырганын мактанайын дебегендир. Балким балдарды бала бакчага ташый турган чоңураак унаанын жоктугун маселе кылып, көйгөйдү көтөргүсү келгендир. Андыктан видеону жарыялаган Жээнбек Жолдошов аттуу Фейсбуктун колдонуучусуна жеке кат жиберип жооп алууга кызыктык.

Бирок биздин бул көрүнүш кайда, качан тартылганы тууралуу кызыгуубуз жоопсуз калды. Эми ал автордун өзүнө таандык себептери болсо керек.

Ал эми ошол эле видеопосттун алдындагы комментарий жазгандардын көбү бул көрүнүшкө таң калгандарын жашырышкан жок. Айрымдары балдарды “пресстеп” салышканын байкап, кырсык тууралуу маселе көтөрүшсө, тамаша кылып, каткырган быйтыкчаларды калтырышкандары дагы жок эмес.

ВИДЕО-https://www.facebook.com/100025112624144/videos/583586952488387/

Булак: NazarNews.kg


Поделитесь с друзьями