Тажикстан мындан кийин Кытайдан насыя ала албайт. Министрдин жообу?
Дүйнө жүзүндө  |   |  2934

Тажикстандын Каржы министрлиги жакынкы үч жылда өлкө Кытайдан насыя албай турганын билдирди. Бул тууралуу чет элдик маалымат булактары жазып чыкты.

Маалыматка ылайык, Тажикистандын Каржы министрлигинин башчысы Файзиддин Каххорзода “Тажикстандын Кытайга ири өлчөмдө карыз болушу – аны алсыз жана бул өлкөгө көз каранды кылат” деген америкалык изилдөөчүнүн бүтүмүнө жооп кайтарды.

Министр америкалык изилдөөчүнүн бүтүмү болгону эксперттик пикир экенин белгиледи. Анын айтымында, Тажикстан Кытайдан эле эмес, Евробиримдиктен жана АКШдан да карыз ала алат.

Америкалык окумуштуу, “Кытайдын насыя дипломатиясы” консепциясынын автору Сэм Паркер эгер Тажикстан Бээжинден ири өлчөмдө насыя алууну уланта берсе, өлкөнүн жаратылыш ресурстары Кытайдын колуна өтүп кетиши ыктымал экенин эскерткен.

Соңку маалыматтарга караганда, Душанбе Бээжинге 1,1 миллиард доллар бересе, бул Тажикстандын тышкы карызынын жарымын түзөт.

Булак: NazarNews.kg

Поделитесь с друзьями