СҮРӨТ-Өзбекстандын өкмөтү отставкага кеттиби?
Борбордук Азия жаңылыктары  |   |  525

Өзбекстандын министрлер кабинети парламентке өз отставкасы боюнча кайрылуу жөнөттү. Бул тууралуу өзбек булактры  жазды.

Маалыматка таянсак, кайрылууга премьер-министр Абдулла Арипов кол коюп, документ дүйшөмбү күнү жаңы шайланган парламент алдында окулган.

 Өкмөттүн отставкасын парламенттин эки палатасы тең кабыл алды.

Жаңы премьер-министрдин талапкерлиги бүгүн, 21-январда, депутаттардын жыйынында каралат.

Өзбекстандын Баш мыйзамына ылайык, жаңы шайланган парламенттин биринчи отурумунда өкмөт отставка боюнча арызын берет. Эми экс-министрлер жаңы өкмөт куралгыча мурдагы милдеттерин аткара берет.

Белгилей кетсек, Өзбекстанда  22-декабрь күнү парламенттин төмөнкү палатасына, 16-17-январь күндөрү жогорку палатасына шайлоо болуп өткөн.


Булак:NazarNews.kg

Поделитесь с друзьями