Сүрөт. «Ардагерден бир белек» акциясы 
Турмуш  |   |  248

24-октябрь Кыргыз Республикасынын ИИОнун ардагерлеринин күнүнө карата, Жалал-Абад облусунун аймагында «Ардагерден бир белек» аталышында акция жүргүзүлдү.  Бул тууралуу Жалал-Абад ОИИБнин басма сөз кызматы билдирди.

Малыматка караганда,  иш-чара учурунда Жалал-Абад облусунун ички иштер органдарынын ардагерлери облустун шаар-райондорундагы төрөт үйлөрүнөн кабар алышты. Ардагерлер  жаңы төрөлгөн ымыркайларга өздөрү демилгелеп даярдап барышкан белектерин тапшырышып, ымыркайларга келечектеги мыкты инсан жана ырыскы, дөөлөтү менен болушун тилеп, ак баталарын берип кайтышты.

"Өз учурунда мындай белекти күтпөгөн, ансыз деле аман-эсен көз жарып, бала жытына бөлөнүп кубанычтары койнуна батпаган энелер уул-кыздары келечекте кыргыз мамлекетинин керегине жараган эр-азаматтардан болушун каалашып, ардагерлерге ыраазычылыктарын билдиришти", -деп айтылат маалыматта.

Поделитесь с друзьями