Мирлан Бакиров: “Памирликтердин жашоосу менин көз карашымды толук өзгөрттү”
Маек  |   |  610

Жогорку Кеңештин 22-январдагы жыйынында вице-спикер Мирлан Бакиров жашоосуна нааразы болгондорду Памирге жиберүү маселесин айткан. Ошондон кийин соцтармактарда ага нааразы болгондордун түрдүү пикирлери токтобой келет. Мындан улам, “NazarNews” агенттиги эл өкүлүнүн чындыгына кызыгып көрдү.

- Мирлан Исакбекович, нааразы болгондорду Памирге жиберүү менен маселе чечилеби?

- Жашоого нааразы тараптар болсо, алар барып келишсе мүмкүн көз караштары өзгөрмөк. Мен эки жолу гуманитардык жардам кылып, ал жакка барып келгенмин. Чындыгында шүгүр келтирүү жашоонун маңызына баалуулуктарга болгон көз карашыма таасир берген.

- Ал кандай баалуулук?

- Баалуулук бул - эгемендүү өлкө, тынчтык жана ынтымак! Менин оюм, мына ошол баалуулуктарга болгон көз карашты өзгөртсөк деген ой болучу.

- Андай болсо, социалдык тармактардагы айрым активисттер сиздин бул оюуңузду башка өңүттө бурмалап жатышкан экен да?

- Мүмкүн иним. Эми ар ким ар кандай түшүнөт экен. Ошондуктан Улуу жана Кичи памирдеги жашоо туурасында атайын сайттардан карап көрүп, таанышып алышса демекчимин.

Булак: NazarNews.kg

Поделитесь с друзьями