Кемин: Орловка шаарынын жолу ишке берилди
Коом | 

Кемин районундагы Орловка шаарында эки көчөгө  асфальт төшөлүп, жол ишке берилди. Бул тууралуу NazarNews маалымат агенттигинин жеке булактары кабарлады.

Маалыматка караганда, акыркы 30 жыл аралыгында биринчи жолу 2019-жылы жол салынды.

Шаардын мэри Чанчороев   Бактыбек Асаналиевич  19 млн каражат сарпталып, жергиликтүү бийлик тарабынан каржыланганын маалымдады.

Анын айтымында,  15 млн 3 км жаңы салынган асфальт  жолго, 4 млн сомго эски жолдор оңдолуп, 1 млн 350 миң сомго 4 көчө жаңыланган.

2019-жылдын ичинде   120 орундук жаңы  бала бакча курулуп, мектептер капиталдык оңдоодон өткөн.

Мындан тышкары, Орловкада туризм жакшы өнүккөн, лыжалык базасына көбүнчө Бишкек шаарынан,  жергиликтүү тургундар жана коңшу элдер  дагы байма-бай эс алууга барышат.

Орто эсеп менен алганда,    эс алуучулардын саны 3 миңге чукулдайт. 

 

Булак:NazarNews.kg

 

 


Поделитесь с друзьями