Бажы кызматынын кызматкери аткезчилик боюнча кармалды
Кылмыш жана кырсык  |   |  182

Ушул жылдын 9-январында  Бажы кызматынын 38 жаштагы М.Б. аттуу кызматкери аткезчилик менен кармалды. Бул тууралуу Ички иштер министрлигинен билдирди.

Маалыматка караганда, Кыргыз Республикасынын ИИМдин Тергөө кызматы тарабынан кылмыштардын жана жоруктардын бирдиктүү реестерине катталган, Кыргыз Республикасынын Жазык кодексинин 320-беренесинин 2-бөлүгүндө каралган (Кызмат абалынан кыянаттык менен пайдалануу) жана тергелип жаткан сотко чейинки өндүрүштүн алкагында мамлекеттик бажы кызматтынын ички коопсуздук башкармалыгы менен биргеликте жалпы суммасы 253 500 АКШ долларын түзгөн жана Латвия өлкөсүнөн Кыргызстан аркылуу Афганистанга бара жаткан тамеки заттарын мамлекеттик бажы кызматы тарабынан уруксаатсыз бажы транзитине киргизүү фактысы аныкталган.

КРдин Жазык процессуалдык кодексинин 98-беренесине ылайык шектүү катары Бишкек шаардык милициянын убактылуу кармоочу жайына киргизилди. Учурда ИИМдин Тергөө кызматы тарабынан сотко чейинки өндүрүш уланууда.

Булак: NazarNews.kg

Поделитесь с друзьями