Ат-Башыдагы митингде “президентти жоопкерчиликке тартуу керек" деди
Саясат  |   |  1190

Бүгүн, 17-февралда Ат-Башы районунда логистикалык борбордун курулушун кытайлык компаниялар жүргүзүшүнө каршы митинг өтүүдө.

Аталган жыйынга келгендер Ат-Башыдагы логистикалык борбордун  курулушуна толугу менен караманча-каршы экендигин айтып, айрым учурда чектен чыгып кетүүдө. Жыйындын айрым катышуучулары, «токтом 2020-жылдын 28-февралында жокко чыгарылбаса Ак үйдүн алдында президент Сооронбай Шариповичти жоопко тартуу маселесин көтөрүүгө чакырам», деди. Өкмөттүн өкүлдөрүн митингдин катышуучулары уккан жок.    

Эске сала кетсек, ушул тапка чейин Өкмөт логистикалык борбор тууралуу жергиликтүү тургундарга эч кандай расмий документ көрсөтө алган эмес. Алар: "49 жылга логистикалык борборго берилген 200 гектар жер айыл өкмөттүн балансына кайтарылып берилиши керек. Биз логистикалык борбордун курулушуна каршыбыз. 200 гектар эмес, 2 см жер дагы сатылбайт, чагымчылдыкка ишенбегиле” деди жергиликтүү тургундар жыйында.

Тилекке каршы митингге катышкандар райондун акими Жакыпбек Субакожоевдин сөзүн уккан жок.   

Төмөндө NazarNews.kg маалымат агенттиги түз эфир көрсөтүүдө. Төмөнкү шилтемени басыңыз: https://www.facebook.com/NazarNewskg-415132175241241/

Булак: NazarNews.kg

Поделитесь с друзьями