www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Толкунбек Абдыгуловдун ордуна Санжар Муканбетовдун талапкерлиги жактырылды

Перизат Кутманалиева 10-январь 2018, 10:57

Саясат Коом


Толкунбек Абдыгуловдун ордуна Санжар Муканбетовдун талапкерлиги жактырылды

Жогорку Кеӊеш Премьер-министр Сапар Исаков тарабынан вице-премьер-министрлик кызмат ордуна Муканбетов Санжар Турдукожоевичтин талапкерлигин жактырды. Ал жакында Улуттук банктын төрагалыгына дайындалган мурдагы вице-премьер-министр Толкунбек Абдыгуловдун ордуна сунушталууда.

Депутаттар Санжар Муканбетов вице-премьер-министрликке дайындалып калса, кайсы тармакты тескей турганына кызыгышты. Андан тышкары, Дастанбек Бекешев, Рыскелди Момбеков сындуу бир катар депутаттар талапкердин мыкты адистердин бири экенин белгилөө менен бирге, бир Өкмөт үчүн 4 вице-премьер-министр көптүк кыларын, алардын санын кыскартуу зарылдыгын айтышты. «Мисалы, кесиби зоотехник вице-премьер чек ара маселесин кантип тескей алат?», - дейт Р.Момбеков.

Биринчи вице-премьер-министр Аскарбек Шадиев жаӊы вице-премьер-министр экономикалык тармакты, анын ичинде кирешелер менен чыгашаларды, банк тармагын тейлей турганын белгиледи. «Мен деле мурда ошондой ойдо болчумун, бирок Өкмөттүн ишине аралашканы, бизге 4 вице-премьер-министр керек экенине көзүм жетти. Иш көп, жоопкерчилик да жогору, алтургай, жетишпей жатабыз», - дейт ал.

Жогорку Кеӊештин Төрагасы Дастанбек Жумабеков жалпы депутаттардын атынан Санжар Муканбетовду жаӊы кызмат орду менен куттуктап, анын ишинде ийгиликтерди каалады. Санжар Муканбетов чоӊ ишеним көрсөтүп жатканы үчүн эл өкүлдөрүнө ыраазычылыгын айтып, мындан ары да кыргыз парламенти менен биргелешип иш алпарууга убада берди.

Белгилей кетсек, Санжар Муканбетов 1972-жылы туулган. Жогорку билимдүү. 1994-жылы Кыргыз техникалык университетин «электроника инженери» адистиги боюнча, 2003-жылы Кыргыз Улуттук университетин «экономист» адистиги боюнча бүтүргөн.

Эмгек жолун «Жанар» (мурдагы ЭВМ) заводунда инженер-конструктор катары баштаган. Кийин «Дастан» ишканасында, Мамлекеттик мүлк фондунда, Каржы министрлигинде, Экономика министрлигинде жооптуу кызматтарда иштеген. Буга чейин Финансы рыногун жөнгө салуу жана көзөмөл кылуу кызматын жетектеп турган деп билдирет Жогорку Кеӊештин Басма сөз кызматы

Булак: NazarNews.kg


Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!


Бөлүшүү


Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 777 289 549
+996 777 289 549
+996 777 289 549