www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Сузактагы үй-бүлөгө кол салуу: Каза болгон үй ээсинин аялы менен кызынын абалы жакшырды

Перизат Кутманалиева 08-январь 2018, 17:35

Коом Кылмыш жана кырсык


Сузактагы үй-бүлөгө кол салуу: Каза болгон үй ээсинин аялы менен кызынын абалы жакшырды

Сузак районунда уурулардын кол салуусунан улам каза тапкан үй ээсинин аялы менен кызынын абалдары жакшырып калды.

Сузак аймактык ооруканасынан алынган маалыматка караганда, 2017-жылдын 30-декбарында таңга жуук бир үй-бүлөдөн үч адам оор абалда ооруканага түшкөн. Үй ээси 1956-жылы туулган С.Т эс учун жоготкон оор абалда келип, жандандыруу бөлүмүнө кабыл алынган. Дарыгерлердин аракетине карабай, ал өзүнө келбей 3-январь күнү дүйнө салган. Анын баш сөөгү сынып, оор жараат алгандыктан аны куткарып калууга мүмкүн болгон эмес.

Ал эми үй ээсинин жубайы С.Х менен 2002-жылы туулган кызы С.М да оор абалда келишкен. Эне-кыздын мээлери чайкалган. 16 жаштагы С.М үч күн жандандыруу бөлүмүндө жатып, андан соң энесинин жанына палатага которулган.

«Алар азыр травматология бөлүмүндө дарыланышууда. Абалдары орточо», - деп билдиришти ооруканадан.
Реклама

Буга чейин Сузак районунда бир үй-бүлөгө кылмышкерлер кол салып, үй ээси алган жараатынан улам каза болгондугу жана аялы жана кызы жараат алышкандыгы маалымдалган.

Жалал-Абад ОИИБдин басма сөз кызматынын маалыматына караганда, окуя 29-декабрдан 30-декабрга караган түнү Сузак районунун Күмүш-Азиз айылындагы үйлөрдүн бирине болгон. Анда белгисиз кылмышкер үйгө мыйзамсыз түрдө киришип, үйдүн тургундарын уруп, ден-соолугуна жарат келтиришип, окуя болгон жерден качып кеткен. Бул окуя боюнча Сузак РИИБге кабар келип түшкөн.

Сузак РИИБдин тергөө-ыкчам тобу окуя болгон жерге барган учурда кылмышкерлердин колунан үйдүн ээси - 1956-жылы туулган С.Т, 1964-жылы туулган жубайы С.Х., жана 2002-жылы туулган кызы С.М., жараат алышкандыгы аныкталган. Уурулар темирден жасалган мык суургуч жана күрөк менен алардын бети-башына, денелерине уруп, үйүнүн ичинен баалуу буюмдарды издешкен, бирок таба албагандыктан окуя болгон жерден качып кетишкен.

Кылмышкерлердин токмогуна кабылган үй-бүлө мүчөлөрү денелерине оор жарат алышып, Сузак аймактык оорукананын кайра жандандыруу бөлүмүнө жаткырылган. Үй ээси алган жараатынан улам ооруканада 3-январда каза болгон.

«Окуя болгон жерге кароо жүргүзүлүп, далил буюм алынып, тийиштүү экспертизалар дайындалган. Аталган окуя боюнча КРнын Кылмыш-жаза кодексинин 168-беренесинин (каракчылык) 4-бөлүмү менен кылмыш иши козголуп, Жалал-Абад ОИИБдин Криминалдык милиция кызматы жана Сузак РИИБдин кызматкерлери тарабынан тергөө-ыкчам тобу түзүлүп, ыкчам-иликтөө иши жүргүзүлдү. Издөө иштеринин натыйжасында 4-январда Сузак районунун Кайрагач айылынын 1995-жылы туулган тургуну Б.М., шектүү катары кармалып, убактылуу кармоочу жайга киргизилди», - деп айтылат маалыматта.

Кылмышка шектүү өз көрсөтмөсүндө, буга чейин жабырлануучу аялдын ортосунда аласа-береседен калган акча каражатынан улам чыр чыккандыгын айткан. Аны менен катар кылмышка шектүүнүн жакынкы аймактагы мурда катталган 4 уурулук фактыларына катыштыгы бардыгы далилденген.

Булак:"turmush.kg"


Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!


Бөлүшүү


Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 777 289 549
+996 777 289 549
+996 777 289 549