www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Президенттин ысымы ыйгарылган балдар үчүн артыкчылыктар берилбейт

Жазгүл Урманбетова 29-декабрь 2017, 19:19

Коом Борбордук Азия жаңылыктары


Президенттин ысымы ыйгарылган балдар үчүн артыкчылыктар берилбейт

Өзбекстанда мамлекет башчынын ысымы ыйгарылган эгиздерге белектерди жана башка материалдык жардамдарды берүү тажрыйбасы токтойт. Бул тууралуу өлкөнүн Эмгек жана калкты социалдык жактан коргоо министрлигинен билдиришти.

Маалыматка караганда, мындан ары балдарына кандай ысым коюлганына карабастан, бардык ата-энелерге бирдей социалдык жардам берилет.

Бир ай мурда төрөлгөн үч эмге Шавкат, Миромон жана Мирзиё ысымын берген Хорезм облусунун жашоочусу жергиликтүү бийлик дагы, президенттик администрация дагы анын үй-бүлөсүнө көңүл бурбай жатканына даттанган.

Буга жооп катар Эмгек министрлиги бардык жаңы төрөлгөн балдардын ата-энелери бирдей жардам алышы керектигин билдиришти. «Балдарына мамлекет башчылардын атын койгон ата-энелер өзгөчө жардам алыш керек деп эч жерде жазылган эмес. Өлкөнүн мыйзамдарына ылайык, бала эки жашка чыкканча ата-энесинин айлыгына жараша материалдык жардам берилип турат, – деп айтылат мекеменин билдирүүсүндө.

Учурда Шавкат, Миромон жана Мирзиё аттуу үч эмдин атасы жумушсуз. Буга чейин эки баласы бар үй-бүлөдө үч эмдин төрөлүшү, алардын каржы абалын кыйла оорлоткону айтылууда.

Балдарына өлкө жетекчисинин атын берүү тенденциясы Өзбекстандын мурдагы президенти Ислам Каримовдун тушунда эле болгон. Үч жыл мурун Анжиян облусунда төрөлгөн наристелерди Исломжон, Абдугани жана Каримжон деп аташкан. 2013-жылы Ташкентте жарык дүйнөгө келген төрт эмге Хасан, Хусан, Ислам жана Карим ысымы ыйгарылган.

Булак: NazarNews.kg


Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!


Бөлүшүү


Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 777 289 549
+996 777 289 549
+996 777 289 549