www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Кулматовдон кийинки эле Кудайдын эркеси Зилалаев

Майрамбек Каримов 16-декабрь 2017, 15:50

Саясат


 Кулматовдон кийинки эле Кудайдын эркеси Зилалаев

Деги ушул Дүйшөнбек Зилалиев жөн жүрө албаган неме экен. Кайсы жерге, кандай кызматка барбасын артынан чуу чыгат. Мөңгү, “Лигласс”, эми болсо “бомба” Кытай компаниясына таандык “Лексус-570” машина.

Ушундай баскан изи мандемдүү, куйругунда калбыры бар немени эмне улам бир кызматка коюп эркелетишти? Кыргызстанда Кубанычбек Кулматовдон кийинки эле Кудайдын эркеси ушул Зилалиев болду. Мына Дүйшөнбек Зилалиев минип жүргөн “Лексус-570” машинасы пайдалуу кендерди чалгындоо менен алектенген кытайлык “Тун Лин” жоопкерчилиги чектелген коомунда катталган экен.

Сыягы, Өнөр жай, энергетика жана кен боюнча мамлекеттик комитетин жетектеп турганда, кандайдыр бир жолдор менен өзүмдүк кылып алса керек. Анан уялбай, көптөн бери минип жүргөн машинасын “Жардамчым убактылуу пайдалануу максатында досунан сурап алыптыр” – деп карандай калпты ышкырып, “Жардамчыга катуу кызматтык жаза берилди” – деп оозун куу чөп менен аарчып жатат.

Бул эргулдун 15332 ВК номерлүү, Кытай компаниясына таандык делген “Лексус-570” машинеси менен жүрүп, президент Сооронбай Жээнбековдун инаугурациясы боло турган күнү президенттик кортеж өтчү жолго бомба коюлганы жөнүндө жалган билдирүү жасаганы билинип калган жайы бар. УКМК бул боюнча кылмыш ишин козгоп, тергеп жатат. Ушундай жоопкерчиликсиз адам кантип жогорку кызматта отурат?

Булак: Фабула


Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!


Бөлүшүү


Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 777 289 549
+996 777 289 549
+996 777 289 549