www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Парламенттик комиссия мумияны ордуна кайтарууну чечти

Майрамбек Каримов 15-декабрь 2017, 15:39

Саясат Коом


Парламенттик комиссия мумияны ордуна кайтарууну чечти

Парламенттик комиссия Тарых музейинен Баткенге жеткирилип, жерге берилген мумияны кайра кайтаруу тууралуу сунушун берди. Бул тууралуу бүгүн “Азаттык” радиосуна Маданият, маалымат жана туризм министри Султан Жумагулов билдирди:

- Эми жол-жобо боюнча бул маселе парламенттик комитетте каралышы керек. Комиссиянын чечими бекитилгенден кийин өкмөткө тапшырма берилет. Ошондон кийин мумияны ордуна кайтаруу иштери башталат. Бул мен үчүн, министр катары, абдан жакшы кабар.

Министр “мумия казылып кетиптир, башка киши көмүлүптүр” деген сөздөрдү имиш деп атап, аны кайтаруу боюнча өкмөттүн тапшырмасы бар экенин, милиция кызматкерлери кайтарып турарын билдирди.

“Мумияны музейден чыгарып, көмгөнгө чейинки видеосу бар”, - деп белгиледи Жумагулов.

Министр эгер чечим чыкса мумия Тарых музейине кайтаралышы керек деп эсептейт.

Оштогу Сулайман-Тоого жеткирүү тууралуу сунуштар боюнча ал "Ал жерде мумияны сактоо шарты барбы же жокпу, караш керек. Тарых музейи реконструкцияланды. Аны сактоого мүмкүнчүлүктөр да жогору”, - деп жооп берди.

1970-жылдардан бери борбордук тарых музейинде турган мумия Баткен облусунун Кара-Булак айылындагы Мыктым-Гөр деген жерге 14-октябрь күнү көмүлгөн. Окумуштуулардын маалыматы боюнча, белгисиз кыздын мумиясы 1959-жылы Баткен аймагынан табылган. Кийинчерээк көмүлгөн жеринен казылып алынып, Бишкектеги борбордук Тарых музейине алып келинген. Айрым маалыматтар боюнча, мумия 4-5-кылымдарга таандык.

Мумияны кайра жерге көмүү демилгесин бир катар коомдук уюмдар көтөрүп чыгышкан. Маданият министрлиги бул маселени карап, 12-октябрда мумияны кайра ордуна алып барып, көмүүгө чечим чыгарган.

Бирок көпчүлүк археолог жана илимпоздор бул чечимге каршы чыгышкан. Алар бийликтен мумияны кайра каздырып алууну талап кылышкан.

Бул маселе Жогорку Кеңеште да көтөрүлүп, парламенттик комиссия түзүлгөн, анын курамына өкмөттүн өкүлдөрү жана окумуштуулар да кирген. 

Булак: "azattyk.org"


Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!


Бөлүшүү


Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 777 289 549
+996 777 289 549
+996 777 289 549