www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - dünya gözünüzde! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Илең-салаң болуп эле ымтырашат…

Майрамбек Каримов 15-декабрь 2017, 15:19

Саясат


Илең-салаң болуп эле ымтырашат…

Кыштын суугу күчүнө кирди. Түкүрүк жерге түшпөй тоңгон Нарындын суугунда карапайым эл отун-суудан кыйналып жатканын айтышып арызданышты. Нарын облусун жетекчиси Аманбай Кайыпов кышка камылганы эртелеп көрсө болот эле. Мажүрөө неме баары бир шалаакылыгын койбойт тура. Мына былтыр эл нааразы болуп, маселе Жогорку Кеңеште каралып, “эл караган бети жер карагандай” болду эле.

Илең-салаң иштеген жаны сабак албаптыр. Баягыдай эле “эт эмес же чел эмес” абалдан чыкпаптыр. Көмүрдүн үстүндө отурган Нарында көмүр жок деген жакшы эмес го. Эң кур дегенде көмүр түшүрчү кампаларды ачып бергенге жарабагандан кийин, башкасын айтып эмне кылабыз. Мындай жетекчиге бийлик чара көрбөсө, нааразы болуп арыз-армандарын айткандан жадаган эл өздөрү “базарыңа барып, акылың жеткен ишти кылчы” деп, кабинетинен жетелеп чыгарып коюшпаса болгону.

Какаганга муштаган болуп, отун-суудан каржалып турган элдин малын карышкыр кырып баштаптыр. Мына Ат-Башыда карышкырлар бир үйүр жылкыны бир түндө кырып салганын, айгыры “жетим” калганын Жогорку Кеңештин депутаты Камчыбек Жолдошбаев айтып чыкты. Айлана-чөйрөнү коргоо жана токой чарба агенттигинин жетекчиси Абдыкалык Рустамов карышкырларды атууга бөлүнчү ок-дарыны, кийикке жумшабай, аңчыларга берсе болмок. Болбосо, Аманбай Кайыпов экөө элдин чыгымын төлөп бербеген соң, тиешелүү милдетин так аткарып коюшса боло, ымтырашып эле пайдасын көздөп отурушпай…

Булак: "Фабула"


Жаңылыкка болгон эмоцияңыз

Жаңылыкка болгон эмоцияңызды билдирүү үчүн өз атыңыз менен кириңиз!


Бөлүшүү


Ой-пикирлер (0)

Ой-пикир жазуу үчүн өз атыңыз менен кириңиз!

Азырынча бир дагы ой-пикир жазыла элек. Сиз биринчи болуп жазыңыз!
Биз Telegram'да

NazarNews.kg эми Telegram'да! Биздин жаңылыктарды эми Telegram каналыбыздан окуй аласыздар.

Бизди Telegram'дан @nazarnewskg деп издеңиздер жана каналга жазылыңыздар!

Telegram Channel: @nazarnewskg

NazarNews'та жарнама!

NazarNews порталына жарнама орнотуу үчүн бизге кайрылыңыз!

+996 777 289 549
+996 777 289 549
+996 777 289 549